‘ಅವರು ಊಟ ಮಾಡಿದರೆ ನಿಮಗೆ ಸಮಸ್ಯೆ. ಅವರು ಊಟ ಮಾಡದಿದ್ದರೂ ನಿಮಗೆ ಸಮಸ್ಯೆ’; ಪತ್ರಕರ್ತರನ್ನು ಕೆಣಕಿದ ಪ್ರಿಯಾಂಕ್

ಬೆಂಗಳೂರು : ಮುಖ್ಯಮಂತ್ರಿ ಮತ್ತು ಉಪ ಮುಖ್ಯಮಂತ್ರಿ ಪರಸ್ಪರ ಚರ್ಚಿಸಿ ಮೊದಲು ಮುಖ್ಯಮಂತ್ರಿ ಮನೆಗೆ, ನಂತರ ಉಪ ಮುಖ್ಯಮಂತ್ರಿ ಮನೆಗೆ ಹೋಗಿ, ಎಲ್ಲಾ ಊಹಾಪೋಹಗಳನ್ನು ಶಮನಗೊಳಿಸಲು ಒಪ್ಪಿಕೊಂಡಿದ್ದಾರೆ. ಅದರಿಂದ ನಿಮಗೇನು ಸಮಸ್ಯೆ ಎಂದು ಸಚಿವ ಪ್ರಿಯಾಂಕ್ ಖರ್ಗೆ ಪ್ರಶ್ನಿಸಿದ್ದಾರೆ.

#WATCH | Bengaluru | On Karnataka CM tussle, Karnataka Minister Priyank Kharge says, “… The CM and Dy CM have mutually agreed to go first to the CM’s house, then to the Dy CM’s, to quell all the speculation… If they dine, you have a problem. If they don’t dine, you have a… https://t.co/mKfROrqsSe pic.twitter.com/mf2sTp0ImM

— ANI (@ANI) December 1, 2025

‘ಅವರು ಊಟ ಮಾಡಿದರೆ ನಿಮಗೆ ಸಮಸ್ಯೆ. ಅವರು ಊಟ ಮಾಡದಿದ್ದರೂ ನಿಮಗೆ ಸಮಸ್ಯೆ. ನಾವು ಏನು ಮಾಡಬಹುದು?’ ಎಂದು ಪ್ರಶ್ನಿಸಿರುವ ಪ್ರಿಯಾಂಕ್ ಖರ್ಗೆ, ‘ನಾನು ರಾಹುಲ್ ಗಾಂಧಿಯನ್ನೂ ಭೇಟಿಯಾಗುವುದರಲ್ಲಿ ನಿಮಗೆ ಸಮಸ್ಯೆ ಇದೆಯೇ? ನಾನು ಬೇರೆ ಯಾರನ್ನು ಭೇಟಿಯಾಗಲಿ?’ ಎಂದು ಪ್ರಶ್ನಿಸಿದ್ದಾರೆ.

‘ನಾನು ದತ್ತಾತ್ರೇಯ ಹೊಸಬಾಳೆ ಅಥವಾ ಬಿ.ಎಲ್. ಸಂತೋಷ್ ಅಥವಾ ಮೋಹನ್ ಭಾಗವತ್ ಅವರನ್ನು ಭೇಟಿಯಾಗುತ್ತೇನೆಯೇ?’ ಎಂದು ಪ್ರಿಯಾಂಕ್ ಪ್ರಶ್ನಿಸಿದ್ದಾರೆ.